E’ so passati l’anne e o tiempo s’é fermato,
o munne è sempe chillo,
nun s’é maje cagnato?
A storia è sempe a stessa
e nun te pare o vero,
ca l’anne so passate,
e pare sempe aiere?

Ma o tiempo passa ancora,
s’ammisca mmiezo e dete
e sona e canta ‘nsieme
a chi se mmore e sete
e a chi nun s’arrecrea
le resta stu veleno, pe campà...

Ma o tiempo aspetta ancora
ca tu arape stu core,
t’accuorge che sta vita
vale tutto l’oro
e l’aria che respiri
mentre guard ‘o cielo...

E so passate l’anne
e si ce trase Dio
sta storia piglia vita
e torna a respirà...